வாக்குப் பதிவை தள்ளி வைக்க கோரி வைகோ கடிதம்

தமிழக சட்டப்பேரவைத் தேர்தலை மே மாதம் முதல் வாரத்துக்கு தள்ளி வைக்கக் கோரி, தேர்தல் ஆணையத்துக்கு மதிமுக பொதுச் செயலாளர் வைகோ கடிதம் எழுதியுள்ளார்இதுகுறித்து தலைமை தேர்தல் ஆணையத்துக்கு அவர் எழுதியுள்ள கடிதம்:

மத்திய தேர்தல் ஆணையம் தமிழ்நாடு, 

 புதுச்சேரியில் ஏப்ரல் 13-ம் தேதி சட்டப்பேரவைத் தேர்தல் அறிவித்து உள்ளது. மார்ச் 19-ல் தேதி வேட்பு மனு தாக்கல் தொடங்குகிறது.

தமிழ்நாடு, புதுச்சேரியில் கடந்த 2-ம் தேதி பிளஸ்-2 தேர்வு தொடங்கி நடந்து வருகிறது. 25-ம் தேதி முடிகிறது. 7 லட்சத்து 23 ஆயிரம் பேர் தேர்வு எழுதுகிறார்கள். எஸ்.எஸ்.எல்.சி. தேர்வு வருகிற 22-ம் தேதி தொடங்கி ஏப்ரல் 11-ம் தேதி வரை நடக்கிறது. இந்த தேர்வை 11 லட்சம் பேர் எழுதுகின்றனர்.

அதே போல பல்கலைக் கழக தேர்வுகள் ஏப்ரல் 5-ம் தேதி தொடங்கி மே 2-ம் தேதி வரை நடக்கிறது. வருகிற 19-ம் தேதி வேட்பு மனு தாக்கல் தொடங்குவதால் 20-ம் தேதியில் இருந்து ஏப்ரல் 11-ம் தேதி வரை தேர்தல் பிரசாரம் தீவிரமாக இருக்கும்.

வீடு வீடாக சென்று ஓட்டு கேட்பது, ஒலி பெருக்கி மூலம் பிரசாரம் செய்வது என பலவகையிலும் பிரசாரம் நடக்கும். இது தேர்வுக்கு தயாராகும் மாணவர்களுக்கு இடையூறாக இருக்கும். இதனால் மாணவர்கள் கடுமையாக பாதிக்கப்படுவார்கள் என பெற்றோர்கள் கவலைப்படுகின்றனர்.

மேலும் ஏப்ரல் 14-ம் தேதி சித்திரை தமிழ்ப்புத்தாண்டு நாள் கொண்டாட்டம் வருகிறது. இது தமிழர்களுக்கு முக்கிய திருநாளாகும். தேர்தல் வேலைகளால் திரு விழாவுக்கும் பாதிப்பு ஏற்படும். மேலும் ஏப்ரல் 13-ம் தேதி தேர்தலுக்காக விடுமுறை விடப்படுகிறது. 14-ம் தேதி அம்பேத்கார் பிறந்த நாள் விடுமுறை, 16-ம் தேதி மகா வீர் ஜெயந்தி விடுமுறை, 17-ம் தேதி ஞாயிறு விடுமுறை என அடுத்தடுத்து விடுமுறை வருகிறது.

இப்படி தொடர்ந்து விடுமுறை வருவதால் வேலை பார்ப்பவர்களும், பொது மக்களும் 5 நாட்கள் விடு முறையை எங்காவது சென்று கொண்டாட வேண்டும் என்றே நினைப்பார்கள். 12-ம் தேதி இரவே அந்த இடங்களுக்கு சென்று விடுவார்கள். இதனால் ஓட்டுப் போட ஆள்வராமல் ஓட்டுப்பதிவு சதவீதம் குறைந்து விடும். மக்கள் அனைவரும் ஓட்டளிக்க வேண்டுமானால் அவர்களுக்கு மதிப்பளித்து அவர்களுக்கு ஏற்ற சூழ்நிலையில் தேர்தல் நடத்த வேண்டும். அப்போது தான் ஜனநாயகம் ஓங்கும்.

எனவே தமிழகம், புதுச்சேரி சட்டசபை தேர்தலை தள்ளி வைக்க வேண்டும், அனைத்து மாநிலங்களிலும் ஓட்டு எண்ணிக்கை மே 13-ம் தேதி தான் நடக்கும் என அறிவிக்கப்பட்டுள்ளது. எனவே அதற்கு முன்னதாக மே முதல் வாரத்தில் இங்கு தேர்தலை நடத்தலாம். மே 4-ம் தேதி தேர்தலை நடத்தினால் சிறப்பாக இருக்கும் என கருதுகிறோம் என்று வைகோ தனது கடிதத்தில் கூறியுள்ளார்.

இதுதான் அரசு போக்குவரத்துத் துறை இயங்கும் லட்சணம் : வைகோ

தருமபுரி, சேலம் கோட்டப் போக்குவரத்துத் தொழிலாளர்கள் 1300 பேருக்கு பணி நிரந்தர ஆணை வழங்க வேண்டும் என்று மதிமுக பொதுச்செயலர் வைகோ வலியுறுத்தியுள்ளார்.

இது குறித்து அவர் இன்று வெளியிட்டுள்ள அறிக்கையில், ’’தமிழ்நாடு அரசு போக்குவரத்துக் கழகம், தருமபுரி-சேலம் கோட்டத்திற்கு 2007-ஆம் ஆண்டு மாவட்ட வேலைவாய்ப்பு அலுவலகங்களில் இருந்து தமிழ்நாடு அரசு போக்குவரத்துத் துறையில் பணியாற்ற ஓட்டுநர், நடத்துநர் பணிக்கான நேர்காணலுக்குத் தகுந்த ஆவணங்களுடன் கலந்து கொள்ளுமாறு வேலைவாய்ப்பு அலுவலகங்களில் பதிவு செய்தோர் பணிக்கப்பட்டனர்.

வண்ணக் கனவுகளுடன் தங்களின் படிப்பு, திறமையின் அடிப்படையில் தேர்வு செய்யப்படுவோம் என்ற நம்பிக்கையோடு நேர்காணலுக்குச் சென்றவர்களுக்குப் பேரிடியாக ஓட்டுநர், நடத்துநர் பணிகளுக்குச் சில லட்சங்கள் விலை நிர்ணயிக்கப்பட்டிருப்பதாகவும் பணத்தைச் சம்பந்தப்பட்ட ஆளுங்கட்சிப் புள்ளியிடம் கட்டி ரசீது காண்பித்தால் வேலை உறுதி என்றும் அவர்களிடம் சொல்லப்பட்டது.

வறட்சியினால் பின்தங்கிய மாவட்டத்தில் வறுமைக்கோட்டில் வாழ்பவர்கள் என்ன செய்வது என்று தெரியாமல் கலங்கி நின்றனர். இருப்பினும் எதிர்காலம் கருதி தங்களின் முயற்சியில் சற்றும் மனம் தளராமவ் ஆளும் தரப்பை நிறைவு செய்ய தத்தம் குடும்பத்தினரிடம் பணம் கேட்டு சண்டையிட்டும், பலர் வட்டிக்குப் பணம் வாங்கியும், தங்களுக்குச் சொந்தமான வீட்டையும், நிலத்தையும் விற்றும், சிலர் தங்கள் மனைவியின் நகை, தாலியை விற்றும் ஒருவழியாக அதிகார வர்க்கத்தினரிடம் பணத்தைக் கட்டினர்.

2007-ஆம் ஆண்டு 1300 பேர் வேலைக்குச் சேர்வதற்கு அரசாணையும் 240 பணி நாட்களுக்குப் பின்னர் நிரந்தரம் செய்யப்படும் என்ற உத்தரவாதத்துடன் பணியில் சேர்ந்து ஆண்டுகள் நான்கு உருண்டோடின. பல 240 நாட்கள் பணி செய்த பின்பும் தி.மு.க. ஆட்சியின் இறுதி நாட்கள் எண்ணப்படுகின்ற இந்த நாள்வரை அவர்கள் பணி நிரந்தரம் செய்யப்படாமல் ஏமாற்றப்படுகின்றனர்.

இது குறித்து சம்பந்தப்பட்ட அந்தத் தொழிலாளர்கள் பலமுறை அதிகாரிகளிடம் முறையிட்டும் பயன் இல்லை. மாறாக, முன்னின்று கேட்பவர்களைப் பழிவாங்கும் நடவடிக்கையாகப் பணி நீக்கம் செய்வதும், இடமாற்றம் செய்வதுமாக அலைகழிக்கப்பட்டனர்.

 இதனைப் பொறுத்துக் கொள்ள முடியாமல் அத்தொழிலாளர்கள் ஒட்டுமொத்தமாக 25.02.2011 வெள்ளிக்கிழமை தொடங்கி கடந்த ஐந்து நாட்களாகத் தம் குடும்பத்தினருடன் தொடர் உண்ணாவிரத அறவழிப் போராட்டம் இருந்து வருகின்றனர். இதற்கு அனுமதி இல்லை என்று காவல்துறை மிரட்டுகிறது.

ஒலிபெருக்கி அனுமதி வழங்காமல் அவமதிக்கப்படுகின்றனர். தருமபுரி அரசு போக்குவரத்துத் தலைமை அலுவலகத்தின் எதிரே சாலை ஓரத்தில் சாமியானா பந்தலிட்டு நியாயம் வேண்டி தொடர் உண்ணாவிரதம் இருந்து வருகின்றனர்.

இதில் மொரப்பூர் ரமேஷ், நண்டுகாரம்பட்டி சண்முகம், ஊத்தங்கரை வடிவேல் ஆகியோர் நேற்று முன்தினம் மயங்கி விழுந்து அருகில் உள்ள மருத்துவமனையில் அனுமதிக்கப்பட்டு உள்ளனர்.

இதுவரை அரசுத் தரப்பில் போராடி வரும் ஊழியர்களிடம் பேச்சுவார்த்தை நடத்த யாரும் முன்வரவில்லை. அரசின் இந்த அலட்சியப் போக்கை வன்மையாகக் கண்டிக்கிறேன். வேலை வழங்கியதற்கு கையூட்டு லஞ்சம் வாங்கியும் பணி நிரந்தரம் வழங்காதது மன்னிக்க முடியாத மாபெரும் தவறு. இதுதான் அரசு போக்குவரத்துத் துறை இயங்கும் லட்சணம்.

விரைவில் ஆட்சி மாறும்; அப்போது காட்சிகளும் மாறும். இதுபோன்ற லஞ்சம் வாங்கி மோசடி செய்தவர்கள் எவ்வளவு உச்சத்தில் இருந்தாலும் விசாரணைக்கு உட்படுத்தப்பட்டு தண்டிக்கப்படுவார்கள். எனவே, தாமதம் இன்றி தருமபுரி-சேலம் கோட்டப் போக்குவரத்துப் பணியாளர்கள் 1300 பேருக்கும் பணி நிரந்தரம் வழங்கி ஆணை பிறப்பித்திட வேண்டும்’’  என்று தெரிவித்துள்ளார்.

தமிழீழம் நிச்சயம் பிறக்கும்;யாழ்ப்பாணத்தில் புலிக்கொடி பறக்கும் - நாஞ்சில் சம்பத்

இன்று காலமும் சூழலும் மாறி கொண்டு இருக்கின்றது.இன்று அமெரிக்காவில் ராஜபக்சவின் போர்க்குற்றங்களுக்கு எதிராக வழக்கு,பிரிட்டனில் வழக்கு,

MDMK General Secretary Vaiko and Tamil Nationalist Movement leader P Nedumaran were among more than 200 pro-LTTE supporters arrested here today when they attempted to take out a march to the Sri Lankan Deputy High Commission in the city. ...

Marumalarchi Dravida Munnetra Kazhagam (MDMK)

மறுமலர்ச்சித் திராவிட முன்னேற்றக் கழகம்: It is a political party in the Indian state of Tamil Nadu formed in 1994 by Mr. V. Gopalswamy (also known as Vaiko), a member of Rajyasabha and a party activitist of DMK. Mr. V. Gopalsamy grew in the party from his student days. He actively participated in the party agitations and courted imprisonment several times. He was detained under MISA during emergency with other party leaders and workers. His style of speaking is his own, quoting world events and history, he attracted a lot of support. Particularly the youths of DMK had a liking for him. This created antagonism towards him by the leaders and was forced out of the Parent body on false charges. His sympathy for the cause of the Liberation Tigers of Tamil Eelam is widely known. With the looming possibility of a vote of confidence in Parliament against the UPA, Two party MP's, L Ganesan and Genjee N Ramachandran, claimed that they enjoy the support of the majority of party cadre, decided to pledge support to the UPA government.They later withdrew their claim and joined DMK when it was found that they had forged letters of support of Party executives.^[1]